دَعِ الحِرْصَ عَلَى الدُّنْيَا * وَفي العَيْشِ فَلاَ تَطْمَعْ وَلاَ تَجْمَعْ مِنَ المَالِ * فلا تدري لمن تجمع وَلاَ تَدْرِيِ أَفِي أَرْضِكَ * أم في غيرها تصرع فإنَّ الرزقَ مقسومٌ * وَسُوءُ الظَّنِّ لا يَنْفَعْ فَقِيْرٌ كُلُّ مَنْ يَطْمَعْ * غَنِيٌّ كُلُّ مَنْ يَقْنَعْ

نط القط وفط وطـــــــــار = خط الفقر دا شوك ودمار تحت خطوط الفقر بعيش = والخط الساخن أصبح نار اللحمه دي الخط الأحمر = وأدينا نسينا طريق الجـزار أيوا فقير وشىء مش ذنبى = والفقر ديون وهموم ومرار خطوطنا كتيره ماليها نهايه = قاعدين بنخطط ليل ونهار زحام وفاتورة نور وعلاج = مش قادر أدفع قسط إيـجار وجوا مدافن عشه سطوح = وجبلى عليا كمان ينـــهار واشترى ميه ونيل فى بلادى = ولسه حقيقى الدنيا عمـار والدخل مكفى كمان وزياده = بس الغلطه حساب أسعار فرصة عمل بتبحث عنـك = وظايفنا كتيره بس إخـتار محدود الدخل دا حلم وراح = معدوم والفقر دا ليه أسرار جربنا حقيقى جميع الخطوط = ماشين تايهين ودليلنا احتار خط الفقر دا لفظ مخفــف = خط الفقر دا رمز العـــــار تحت الخط ضميرنا هبط = مش لاقى شط لأى بحــار قولولى الخط دا رايح فيــن = ومين هندس للفقرا مسار؟ فين فيثاغورس يحل خطوطه؟ = تربيع، ومثلث دايره، ودار خط وخطه خطوط تخطيط = شخابيط من غير بوصله وفرجار جابوا الدعم يحل مشاكلى = وياما نعيش ونشوف أفكار بصرخ تحت الخط ونادى = نظرة عطف يا ناس ياكبار وقالوا هتطلع فوق الخط = ويبقى دخلك ألــف دولار خايفين كتر المال يضرك = دا المال فتنه وليه أضرار عن اليوم السابع