حـكــاية رئـــيس

اسمع يا عم الحكاية
عن واحد كان يوم رئيس
أكل غدايا وعشايا
وسابنى عايش تعيس
لا همه فى يوم بكايا
وباع خيرى بالرخيص
وسرق أحلامى ومنايا
ورعبنى بالبوليس
وكلبشنى بمشاكل ملهاش نهاية
وكان فى قصوره حر بيهيص
لا أتمنى يشوف على وشى الضحكاية
زى ما أتمنى لعياله المتاعيس
ولا إدانى حد الكفاية
وهنى العدو على احتلاله وأخده بالبوس
وقف ضدى بدل ما يكون معايا
وكنت فاكره سند وونيس
لا صعبت عليه ولا سمع ندايا
ومن ظلمه ياما اتعذبت نفوس
واهو دلوقتى ربنا ورانا فيه آية
بعد ما كان رئيس متهم ومحبوس
لو كان عدل ماكنش داق الذل والإهانة
يا ناس اتعلموا من الدروس
والثورة مستمرة ومش هتسيب حق الشهدا الضحايا
ولو يموت المخلوع كان يرتاح م الكابوس
وأدى يا عم اللى حصل والرواية
لو كنت ثاير هتحبها ومش هتقول عليه مدسوس