وميات عصبى

وميات عصبى

 _ انا : مش عارف اجبلها ايه هديه اصالحها بيها
_ ضميرى : فكر مش انت الغلط .. يبقى انت اللازم تفكر
_ انا : ايوه مهو انا من كتر ما بجيب هدايا بقيت مش عارف اجيب ايه؟
_ ضميرى : تستاهل مش انت الطايح فى الناس ومش همك
_ انا :ما هما المستفزين  ياراجل ناس عايزه الحرق
_ ضميرى : ولما عيزين الحرق عايز تجبلهم هدايا ليه ؟
_انا : لا مراتى مش منهم وهى الزعلانه المرادى
_ضميرى : طيب فكر بقى
_انا : مهو انا بفكر هو انت شايفنى بغسل
_ ضميرى : طيب هتجبلها ايه؟
_انا : مش عارف المره الفاتت جبت دبدوب والقبلها فستان
_ضميرى: طيب
_انا: طيب ايه ما تفكر معايا
_ضميرى : وافكر ليه هو انا البغلط فى الناس واجرحم  علشان ارجع افكر اصلحم ازى
_انا : طيب اقعد ساكت كده .. وبعدين ما هى المستفزه جريده ايه ومقاله ايه العايزه تنشرها ديه
ضميرى : ده شغلها ولما جت تاخد رأيك ده بأعتبارك شركها فى حياتها
اتمعظمت انت ورحت طايح فيها زعيق وتسخيف .. ازى وازى وهو معاليك فاضى للكلام الفارغ ده
_انا : مهو انا كان عندى شغل ومش فاضى
_ضميرى : مهو بيبقى عندها شغل وبتفضى نفسها ليك لما بتحتجها
_انا :بقولك ايه اقعد ساكت احسلك انا مش ناقصك
_ضميرى : اسكت ازى يعنى
_انا : يعنى تخرص
......
.....
.....
_انا : ايه ده انت زعلت
طيب ده انا محتار اجبلها ايه هديه تطلعلى انت كمان